وصفة شرق أوسطية مناقيش بالزعتر من مطبخي

بسم الله الرحمن الرحيم

السلام عليكم ورحمة الله وبركاتة

اليوم جبتليكم وصفة شرق أوسطية مشهورة في فلسطين الأردن لبنان سورية...
هي مناقيش بالزعتر تؤكل فالفطوروالكوتي نبداو على بركة الله المقادير

2 كيسان كبار الفورص / نص كاس الما دافئ / 2 معالق صغار خميرة جافة( حبوب) / نص معلقة صغيرة ملح / معلقة صغيرة سنيدة / ربع كاس زيت العود
مقادير الحشوة:6 معالق كبار من خليط الزعتر والزنجلان / نص كاس زيت الزيتون ومعلقة كبيرة ديال الما
درت الخميرة سنيدة 2 معالق كبار ماء دافئ فكاس ندوبوه فيه ونخليوه دقائق فمكان دافئ يرتاح
فقصعة درت طحين/ ملح/ الكاس الي دوبنا فيه الخميرة/ ونجمعو بالما والزيت العجينة خاص تكون خفيفة
ونخليوها تخمر حتى يتضاعف الحجم ديالها أنا سديت عليها فطاسة حتى خمرات




ملي تيتضاعف حجم العجينة قسمتها لكويرات وخليتهم يرتاحو خمس دقائق



فهاد الأثناء وجدت الحشوة الي هيا خليط الزعترمطحون ومخلط مع الزنجلان (السمسم )محمر شوية



خديت 6 معالق كبار من خليط الزعتر + نص كااس زيت الزيتون+ معلقة كبيرة ديال الما ونخلطو




نسرحو الكويرة ديالنا يكون سمك ديالها نصف سنتمتر وندهنوها بالحشوة





وندخلوهم للفرن حتى يتحمرو ونقدموهم متصوروش شحال تيجيو بنان مع الزعتر والسمسم روعة

تقدرو تقدموهم سخان أو باردين على حسب الاختيار ديالكم